حقوق الرجال (شوہر کے حقوق) |
ہم نوٹ : |
 |
ہیں۔ گناہ سے کسی کو سکون اور چین نہیں ملتا ، چین اللہ تعالیٰ نے اپنے ہاتھ میں رکھاہے۔ اللہ پاک ارشاد فرماتے ہیں: اَلَا بِذِکْرِ اللہِ تَطْمَئِنُّ الْقُلُوْبُ 9؎پس اے ایمان والو! مَرد ہو یا عورت، صرف اللہ ہی کی یاد سے تمہارے دل کو چین ملے گا، اطمینان ملے گا۔ وی سی آر ، سینما، مَردوں کے سامنے بے پردہ پھرنا، اپنی بیٹیوں کو کالجوں میں پہنچانا اور ان کا عیسائی لڑکوں کے ساتھ ہنسنا بولنا، یہ سب عذاب ہے، کسی کو چین نہیں ہے، نہ لڑکے چین سے ہیں نہ لڑکیاں چین سے ہیں۔ آپ دیکھیے! طرح طرح کی بیماریاں، طرح طرح کی پریشانیاں موجود ہیں۔ اللہ پاک کو ناراض کرکے اپنے کو اور اپنی اولاد کو دوزخ میں بھیجنا اس سے بڑھ کر ہماری کیا بداخلاقی ہوگی۔ اگر خود تو حج کرکے حجن امّاں بن گئیں اور ابّاصاحب حاجی ابّا بن گئے اور تسبیح بھی خوب چل رہی ہے، مگر اولاد وی سی آر اور ٹیلی ویژن پر ننگی فلمیں دیکھ رہی ہے کہ لڑکا جس لڑکی کے ساتھ اور لڑکی جس لڑکے کے ساتھ چاہتی ہے چلی جاتی ہے، ہوٹلوں میں کھانا کھارہی ہے، پارکوں میں جارہی ہے، طرح طرح کی بے پردگی کے عذاب میں مبتلا ہے اور سب سے بڑا رونا تو یہ ہے کہ ابھی صرف منگنی ہوئی ہے یعنی شادی کی بات چیت ہوئی ہے، نکاح نہیں ہوا اور اس لڑکے کو اپنی بیٹی کے سامنے کرتے ہیں اور بات چیت کی اور اس کے ساتھ گھومنے پھر نے کی اجازت دیتے ہیں۔ اب بتائیے!یہ کتنا بڑا گناہ ہے، حرام ہے کہ کسی کی بیٹی اور بہن کو نکاح کے بغیر غیرآدمی دیکھ رہا ہے۔ اس کو گھر بلانا ، اپنی بیٹی کو اس کے پاس چائے دے کر بھیجنا اور اس سے بات چیت کرنا کتنا بڑا جرم ہے۔ اگر آپ کو جلد ی ہے تو ایک مولوی کو بلالو، نکاح کردو ، رخصتی چاہے دو سال بعد کرو۔ اگر آپ کے پاس زیور کپڑے ابھی نہیں ہیں اور معاشرے کا خوف ہے، مخلوق کا خوف ہے تو رخصتی بعد میں کرلو،ورنہ اگر اللہ کا خوف ہوتا تو سادگی سے سنت کے مطابق ایک جوڑے میں رخصت کردیتے۔ بہر حال نکاح فوراً کردوتا کہ آپ کی بیٹی کا اس لڑکے کے سامنے آنا درست ہوجائے، ساتھ رہنا اور گھومنا پھرنا، ملنا جلنا سب درست ہوجائے، _____________________________________________ 9؎الرعد:28