Deobandi Books

( ل )
لاحق:
جو ابتداء نماز میں امام کے ساتھ شامل ہوا، لیکن وضو ٹوٹ جانے کی وجہ سے نماز کے درمیانی یا آخری حصے میں امام کی اقتداء نہیں کرسکا۔
لحد:
بغلی قبر۔
لُقطہ:
وہ مال جو زمین پر پڑا ہوا مل جائے اور اس کا مالک معلوم نہ ہو۔
لغو:
گفتگو میں کسی ساقط الاعتبار لفظ کا بولنا۔
٭٭٭٭٭٭٭٭٭٭٭
( م )
ماء دائم:
ٹھہرا ہوا پانی۔
ماء طاہر غیر مطہر:
جو خود پاک ہو، لیکن پاک کرنے کی صلاحیت نہ رکھتا ہو۔جیسے وہ پانی جس میں زعفران یا کوئی اور پاک چیز کثیر مقدار میں مل جائے۔
ماء مطہر:
جو پاک بھی ہو اور پاک کر نے کی صلاحیت بھی رکھتا ہو۔جیسے بارش، یا کنویں کا پانی
ماء مکروہ:
جو پاک ہو اور پاک کرنے کی صلاحیت رکھتا ہو، لیکن اس کے استعمال میں کراہت ہو۔جیسے بلی کا جھوٹا
ماء مطلق:
	جو پانی اپنی اصل خلقت پر باقی ہو، نہ اس میں کوئی ناپاک چیز ملی ہو، اور نہ کوئی پاک چیز مل کر غالب آگئی ہو۔جیسے کنویں کا پانی
ماء جاری:
جس پانی میں ایسا بہائو ہو کہ ایک ہی جگہ پر ایک پانی کو دوبارہ استعمال نہ کیا جاسکے اور گہرائی اتنی ہو کہ دونوں ہاتھوں سے پانی لیا جائے تو زمین کھلنے نہ پائے یعنی ہاتھوں سے پانی لیتے وقت زمین کی سطح ظاہر نہ ہو۔
ماء کثیر:
	پانی کی اتنی مقدار جسے لوگ کثیر مقدار خیال کرتے ہوں ۔
اس کی مقدار فقہاء نے دہ در دہ سےمقرر کی ہے۔