Deobandi Books

جسم:
ایسی چیز جس میں لمبائی، چوڑائی اور گہرائی پائی جاتی ہو۔
جلسہ:
دو سجدوں کے درمیان بیٹھنا، بعض فقہاء کے یہاں پہلی اور تیسری رکعت کے اختتام پر سجدے سے فارغ ہونے کے بعد ایک تسبیح کے بقدر بیٹھ کر کھڑا ہونا ہے، اس کو ’’جلسۂ استراحت ‘‘ بھی کہتے ہیں ۔
جمرات:
اصل معنی کنکری کے ہیں ، اصطلاح میں اُن مقامات کو کہتے ہیں جہاں زمانۂ حج میں کنکری پھینکی جاتی ہے۔
جوابِ تحقیقی:
وہ دلیل ہے جو حقائق پر مبنی ہو اورفریقین کے نزدیک مسلم ہو۔
جوابِ الزامی:
وہ جواب ہے جو محض فریقِ مخالف کے نزدیک مسلم ہو، چاہے وہ دلیل خصم کا مستدل ہو یا نہ ہو۔
جہر:
کم سے کم ایسی آواز جو بولنے والے کے علاوہ دوسرا شخص سن سکے۔
٭٭٭٭٭٭٭٭٭٭٭٭
( ح )
حاجت:
وہ اُمور کہ اگر ان کی اجازت نہ دی جائے تو مشقت و حرج کا باعث ہوجائے۔جیسے بلی کے جھوٹے کو حاجت کی وجہ سے صرف مکروہ قرار دینا، باوجود یکہ وہ ایک غیرماکول اللحم جانور ہے۔
حج:
مخصوص صفات کے ساتھ مخصوص اوقات میں حرم شریف کا سفرکرنا۔
حج مبرور:
وہ حج جس میں کسی قسم کا گناہ نہ ہوا ہو۔اسی کو مقبول حج کہتے ہیں ۔
حجت:
تشفی بخش دلیل
حِجامۃ:
 علاج کا ایک طریقہ جس میں جسم سے فاسد خو ن وغیرہ نکلوایا جاتا ہے۔
حقنہ:
	پچھنا لگوانا، پاخانے کے راستےسے دوا کا پیٹ میں پہنچانا۔
حد:
	وہ سزائیں جو شریعت کی جانب سے مقرر ہیں ، جیسے زنا، چوری وغیرہ کی سزا