Deobandi Books

ترجیع:
اذان میں شہادتین کو پست آواز سے ادا کرنا،پھر بلند آواز سے پڑھنا۔
تطوّع:
فرائض اور واجبات کے علاوہ جو اُمور شریعت میں محبوب و محمود ہوں ۔جیسے نفلی نماز، نفلی روزہ
تعزیر:
حق اللہ یا حق العبد کی بنیاد پر ایسی غلطیوں پرسخت سزا دینا جس پر شریعت میں کوئی سزا اور حدمقرر نہ کی گئی ہو۔ جیسےجھوٹی گواہی دینا، اجنبی عورت کا بوسہ لینا یا اس کے ساتھ خلوت اختیا کرنا۔
تعدیل ارکان:
قومہ اور جلسے میں اس طرح کھڑا ہونا اور بیٹھنا کہ تمام اعضاء صحیح جگہ پر آجائیں ۔
تعلیل:
نص میں وارد ہونے والے حکم کو علت پر مبنی قرار دینا۔
تفویض:
شوہر کا بیوی کو یا کسی اور شخص کو حقِ طلاق سپردکردینا۔جیسے شوہر بیوی سے کہے کہ تمہارا معاملہ تمہارے ہاتھ میں ہے۔
تقیّہ:
اپنی جان بچانے کے لیے جو بات دل میں ہو اس کے خلاف ظاہرکرنا۔
تقلید:
دلیل طلب کیے بغیر ایسے شخص کی رائے کی اتباع کرنا جس کا قول بذات خود دین میں حجت نہ ہو، اس حسن ظن کے ساتھ کہ اس کی رائے درست ہوگی۔جیسے چاروں مسالک کے متبعین اپنے اپنے امام کی اتباع کرتے ہیں ۔
تصفیق:
عورت کا اپنی دائیں ہتھیلی کو بائیں ہاتھ کے اوپر مارنا تاکہ اس کی آواز سن کر اس کی نماز کے آگے سے گزرنے والا شخص متنبہ ہوجائے۔