Deobandi Books

بدعت:
دین میں کسی ایسی بات کا اضافہ جس کی عہد ِ نبوی، عہد ِ صحابہ اور عہد ِ تابعین میں کوئی اصل نہ ہو۔جیسے مزارپرستی،قبروں پر چادر چڑھانا۔
بَسْمَلَہ:
بسم اللہ الرحمٰن الرحیم
بیع:
جانبین کی رضامندی سے مال سے مال کا تبادلہ۔
بیّنہ:
حجت و دلیل، گواہی۔
٭٭٭٭٭٭٭٭٭٭٭
( ت )

تابعی:
جس نے ایمان کی حالت میں کسی صحابیٔ رسول ﷺسے ملاقات کی ہو اور ایمان ہی پر اس کی موت ہوئی ہو۔جیسے امام ابوحنیفہؒ
تاویل:
ایک لفظ میں کئی معانی کا احتمال ہو، ان میں سے ایک کو غلبۂ گمان کی بنیاد پر ترجیح دینا، نہ کہ یقین کی بنیاد پر۔
تبدیل:
ایک حکم کی جگہ شارع کی طرف سے دوسرا حکم دیا جانا، اسی کو نسخ بھی کہتے ہیں ۔جیسے حُمُرِ اہلیَّہ  (پالتوگدھے) کا گوشت ابتداء اسلام میں حلال تھا، بعد میں حرمت کا حکم نازل ہوا۔
تبسم:
بغیر آواز کے مسکرانا، جو خود اسے یا اس کےقریبی شخص کو سنائی نہ دے۔
تبع تابعین:
جس نے ایمان کی حالت میں تابعی سے ملاقات کی ہو اور ایمان ہی پر اس کی موت واقع ہوئی ہو۔ جیسےامام مالکؒ، وکیع بن الجراحؒ وغیرہ
تثویب:
اذان اور اقامت کےدرمیان کسی کلمۂ اذان کو اعلانیہ طور پر پکارنا۔ جیسے حی علی الصلوٰۃ کہنا، یا مقامی زبان میں نماز کی ترغیب دینا۔