Deobandi Books

حدیث:
رسول اللہ ﷺ کے اقوال، افعال، احوال اور تقریرات۔تقریر وہ باتیں جوآپ کے سامنے کی یا کہی گئی ہوں اور آپ ﷺ  نے ان پر نکیر نہ فرمائی ہو۔
حدیث قدسی:
جس بات کی نسبت رسول اللہ ﷺ نے اللہ تعالیٰ کی طرف فرمائی ہو۔
حرام:
جس بات سے قطعی طور پر شریعت نے منع کردیا ہو، اسی کو محظور یا معصیت بھی کہتے ہیں ۔جیسے سود، زنا وغیرہ
حرم:
مخصوص مقام جو مکہ اور اس کے چاروں طرف موجود ہے، مدینے کی سمت میں مکہ سے تین میل تک، عراق کی سمت میں سات میل تک، جعرّانہ کی طرف نو میل، طائف کی طرف سات میل اور جدہ کی طرف دس میل ہے۔
حظر:
جس کا ارتکاب باعث ِ گناہ اور جس سے بچنا باعث ِ ثواب ہے۔جیسے بدنظری
حق:
صاحب ِ حق کو شریعت کی طرف سے دوسرے پر جو اختیار حاصل ہوتا ہے، اس اختصاصی کیفیت کو ’’حق‘‘ کہتے ہیں ۔جیسے بیوی کے لیے شریعت نے شوہر پر نان و نفقہ اور سکنیٰ لازم کیا ہے تو یہ شوہر کے اوپر بیوی کا حق ہے۔
حلال:
جس کا استعمال و ارتکاب باعث گناہ نہ ہو۔
حلف:
قسم کھانا۔
حیض:
وہ خون جو بالغ غیر حاملہ عورت کے رحم سے آئے اور اس کا سبب بیماری نہ ہو۔
حَیْعَلَہ:
اذان یا اقامت میں حی علی الصلوٰۃ یا علی الفلاح کہنا۔