Deobandi Books

دَین:
کسی بھی سبب سے ذمہ میں ثابت ہونے والا مال۔
دِیت:
وہ مال جو کسی انسانی جان کے بدلے ادا کیا جائے، اس کی مقدار سو اونٹ یا ایک ہزار دینار یا دس ہزاردرہم (یا اُن کے برابر کرنسی) ہے۔
دینار:
سونے کا سکہ جس کا وزن ۲۰؍قیراط ہوتا ہے۔موجودہ وزن کے اعتبار سے ۴؍گرام، ۳۷۴؍ملی گرام۔
٭٭٭٭٭٭٭٭
( ذ )
ذِمی:
اسلامی حکومت سے معاہدہ کرکے دارالاسلام میں رہنے والا کافر۔
ذکاۃ:
وہ عمل جس کے ذریعے خشکی کے جانور حلال ہوتے ہیں ۔
٭٭٭٭٭٭٭
( ر )

رأس المال:
 اصل سرمایہ، یہ اصطلاح مختلف معاملات میں استعمال ہوتی ہے، اور بنیادی طور پر اس سے اصل پونجی مراد لی جاتی ہے۔
راہن:
وہ شخص جس نے اپنا کوئی سامان کسی کے پاس گروی رکھ کر اس سے کچھ قرض لیا ہو۔
رِبا:
ایک ہی جنس کے لین دین میں شرط کی بنیاد پر ایک فریق کا زائد شئ حاصل کرنا جس کے مقابلے میں دوسرے فریق کی طرف سے کوئی چیز ادا نہ کی گئی ہو۔جیسے دس کلو گیہوں کے بدلے پندرہ کلو گیہوں لینا۔
ربّ المال:
جس کی طرف سے پونجی لگی ہو۔یعنی اصل سرمایہ کا مالک 
رباعیہ:
ایک سلام سے چار رکعت پڑھی جانے والی نمازیں ۔جیسے ظہر، عصر