چوں پیمبر از زمیں برعالم بالا رسید
شور شد برآسماں صد مرحبا خوش آمدی
تابکے مسند نشیں آخر بتانِ آزری
اے حرم کے پاسباں صد مرحبا خوش آمدی
دائمی رونق دہندہ گلشنِ اسلام را
اے بہارِ بے خزاں صد مرحبا خوش آمدی
اشیاقِ دیدمیں تھے دیدہ و دل فرشِ راہ
اے معزز میہماں صد مرحبا خوش آمدی
انتشار و ظلم کرتے ہیں فلک پیمائیاں
باعثِ امن و اماں صد مرحبا خوش آمدی
کہہ رہے تھے یہ شبِ اسریٰ زبانِ حال سے
انجم و سیّارگان صد مرحبا خوش آمدی
مل گیا گم کردۂ منزل کو منزل کا سراغ
راہِ منزل کے نشاں صد مرحبا خوش آمدی
ہوگیا روشن بیک، اے غیرتِ صد آفتاب
ظلمت آبادِ جہاں صدمرحبا خوش آمدی
کھول دیں غنچوں نے آنکھیں، ہوگئے بیدار گل
بلبلِ شیریںبیاں صد مرحبا خوش آمدی
جگمگا اُٹھی تری آمد سے بزمِ کائنات
آفتابِ زر فشاں صد مرحبا خوش آمدی
تیری آمد سے مہک اُٹھا چمن زارِ جہاں
نکہت عنبر فشاں صد مرحبا خوش آمدی
ہے دلِ بیمار کی حالت بڑی تشویشناک
اے مسیحاے زماں صد مرحبا خوش آمدی
اے خوشا گہوارۂ آفاق کے چشم و چراغ
مادر گیتی کی جاں صد مرحبا خوش آمدی
چرخِ علم و آگہی کے آفتابِ زر فشاں
رونقِ بزمِ جہاں صد مرحبا خوش آمدی
بحرِ رحمت کی صدف کا بے بہا درِّ یتیم
خلق کی جنسِ گراں صد مرحبا خوش آمدی
نزم لہجے میں کہا یہ غنچۂ نوخیز نے
حسنِ اسلوبِ بیاں صد مرحبا خوش آمدی
رہبرِؔ خوش فکر بھی آسودۂ منزل نہیں
اے امیرِ کارواں صد مرحبا خوش آمدی
------------------------------
