دعاء
الحمد کے معنی کی تشریح عیاں کردے
تو ہم کو عطا یارب ! وہ زورِ بیاں کردے
قدرت وہ عطا کردے اظہارِ حقیقت پر
جو حق و صداقت کو برجستہ بیاں کردے
تعلیم و تعلّم کو دے رنگ ِ ہمہ دانی
ہر فرقۂ باطل کی جو بند زباں کردے
مرنا ہمیں آساں ہو مذہب کے تقدس پر
اس جذبۂ ایماں کو سینے میں نہاں کردے
دب دب کے نہ رہ جائیں جذبات محبت کے
ماں باپ کی خدمت کا احساس عیاںکردے
اس شمعِ ہدایت کے ہم طالب و خواہاںہیں
جو محفلِ عالم سے کافور دھواں کردے
ہم گلشنِ ملت کے پودوں کی تمنّا ہے
اسبابِ تباہی کو بے نام و نشاں کردے
ہر گوشۂ عالم ہو آئینۂ حق رہبرؔ
اللہ اگر ہم کو تفویض جہاں کردے
