بلاضرورت بھی وہ کام یا سفر باوجود ان کی ممانعت کیجائز ہے گو مستحب یہی ہے کہ اس وقت بھی اطاعت واجب نہیں وحدیث ابن عمر یحمل علی الاستحباب او علیٰ ان امر عمر رضی اللہ عنہ کان عن سبب صحیح اور مثلاً وہ کہیں کہ تمام کمائی اپنی ہم کو دیا کر تو اس میں بھی اطاعت واجب نہیں اور اگر وہ اس پر جبر کریں گے تو گناہ گار ہوں گے وحدیث ومالک لابیک محمول علی الاحتیاج کیف وقد قال النبی صلی اللہ علیہ وسلم لا یحل ما امریٔ الا بطیب نفس منہ اور اگر وہ حاجت ضروریہ سے بلا اذن زائد لیں گے وہ ان کے ذمہ دین ہوگا جس کا مطالبہ دنیا میں بھی ہو سکتا ہیے اگر یہاں نہ دیں گے قیامت میں دینا پڑے گا۔ فقہاء کی تصریح اس کے لئے کافی ہے وہ احادیث کے معانی کو خوب سمجھتے ہیں خصوص جبکہ حدیث حاکم میں بھی اذا احتجتم کی قید مصرح ہے۔ واللہ اعلم۔ ۲۷ جمادی الاخریٰ ۱۳۳۲ھ
التحقیق الفرید فی حکم آلہ تقریب الصوت البعید
بسم اللہ الرحمن الرحیم
حامدا ومصلیاً
استفتائ:
عالم واشیاء عالم اور ان کے خالق اعظم کے علم ومعرفت کا آخری اور کامل ذریعہ ختام الانبیاء حضرت رسول اکرم روحی فداہ صلی اللہ علیہ وسلم نے جن ذوات عالمیہ کو انبیاء بنی اسرائیل کا ہم سنگ رتبہ عطا فرمایا ہے اور حضرت شیخ شہاب الدین سہروردی رحمہ اللہ سے ان کے ایک خلیہ عبادت میں فیلسوف ارسطاطالیس نے جن نفوس قدسیہ کو اولئک ھم الفلاسفۃ حقا کہا ہے ان کی خدمات عالیہ می بلحاظ تحقیق حق واطمینان اہل دین ودیانت عرض ہے۔
اول:
یہ کہ آپ اور کسی شخص سے یہ امر پوشیدہ نہیں ہے کہ نماز عیدین میں عموماً ہر جگہ اور خصوصاً بڑے بڑے شہروں میں مصلیوں کی تعداد اورا ن کی جماعت کا سلسلہ اس قدر طول ہوتا ہے کہ امام کی آواز توکل مصلیوں تک پہنچتی ہی نہیں۔ لیکن بسا اوقات مکبرین کے متعین ومقرر کرنے کے بعد ان کی آواز سے بھی تمام مصلیوں کو صحیح طور پر اس کا علم نہیں ہوتا کہ امام نے نیت کب باندھی؟ رکوع وسجدہ کب کیا؟ اور امام کس وقت کیا پڑھ رہا اور کیا کر رہا ہے؟ اور وہ محض اپنے آگے کے مصلیوں کی حرکات کو دیکھ کر یا اپنے خیال سے ایک اندازہ لگا کر ارکانِ نماز ادا کرتے ہیں۔ تاہم اس میں بھی غلطی ہوتی ہے اور اکثر وبیشتر ایسا ہوتا ہے کہ امام ابھی قراء ۃ کر رہا ہے اور پچھلئے مصلی رکوع میں چلئے گئے یا امام رکوع میں گیا ہے اور آخری مصلی سجدہ میں چلئے گئے اور اسی طرح اور غلطیاں بھی ہوتی ہیں بالخصوص تکبیرات واجبہ عیدین میں تو تقریباً ہمیشہ اور ہر جگہ دھوکہ ہو اہی کرتا ہے۔ اور چال بھی وہاں کا ہے جہاں امام اور منتظمیں مصلی (عیدگاہ) کو مسلمانوں کے اجتماع اور جماعت کی بڑائی کا پہلے سے اندازہ ہوتا ہے اور وہ اس کے لحاظ سے مکبرین کے تعین وتقرر کاپیشتر سے انتظام کر سکتے یں۔ اور جہاں آخر نماز تک مصلیوں کے آنے کا سلسلہ جاری رہتا ہے اور نیت باندھنے کے بعد سے آخر نماز تک مقابلہ ابتداء کے ہزاروں مصلیوں کی تعداد بڑھ جاتی ہے اور امام اور منتظمیں
