۸… (قاموس المحیط ج۴ ص۱۰۴) میں ہے ’’الخاتم من کل شئی عاقبتہ واخرتہ کخاتمتہ واخر القوم کالخاتم‘‘ {خاتم بالکسر کے معنی انجام وآخرت ہر شیٔ مثل خاتمہ کے اور آخر قوم کے ہیں۔ مثل خاتم بالفتح کے۔}
اور اس کی شرح (تاج العروس ج۱۶ ص۱۹۰) میں ہے۔ ’’الخاتم اخر القوم کالخاتم ومنہ قولہ تعالیٰ وخاتم النبیین ای اخرھم‘‘ {یعنی خاتم اور خاتم کے معنی آخر قوم کے ہیں اور اسی سے خاتم النبیین ہے یعنی آخر نبیوں کے۔}
۹… (مجمع البحار الانوار ج۲ ص۱۵) میں ہے ’’الخاتم والخاتم من اسمائہ ﷺ بالفتح اسم ای آخرہم وبالکسر اسم فاعل‘‘ {خاتم اور خاتم حضورﷺ کے ناموں میں سے ہیں۔ زبر کے ساتھ اسم ہے۔ آخر کے معنی ہیں اور زیر کے ساتھ اسم فاعل ہے۔ یعنی ختم کرنے والا۔}
اور (ج۲ ص۱۵) میں ہے ’’خاتم النبوۃ بکسرۃ التاء ای فاعل الختم وھو الا تمام وبفتحہا بمعنی الطابع ای شئی یدل علی انہ لا نبی بعدہ‘‘ {خاتم النبوۃ ت کی زیر کے ساتھ ختم اور تمام کرنے والا اور زبر کے ساتھ یہ معنی ہیں کہ وہ شیٔ جو اس پر دلالت کرے کہ اس کے بعد کوئی نبی نہیں۔}
۱۰… ’’خاتمۃ الشیٔ اٰخرہ ومحمد خاتم الانبیاء بالفتح صلوات اﷲ علیہ وعلیہم اجمعین (صراح:۴۶۷)‘‘ {خاتمۃ الشیٔ کے معنی آخر شیٔ کے ہیں اور محمدﷺ خاتم الانبیاء بالفتح کے بھی یہی معنی ہیں۔ تلک عشرۃ کاملۃ!}
تنبیہ! خلاصہ یہ ہے کہ معتبر کتب لغات سے معلوم ہوگیا ہوگا کہ لفظ خاتم کے زبر اور زیر دونوں کے ساتھ ایک ہی معنی ہیں اور جب کبھی قوم یا جماعت کی طرف مضاف ہوتو لغت عرب میںاس کے معنی آخر کے ہی ہوتے ہیں۔ اس کے سوا اور کوئی معنی نہیں آتے اور لغت عرب میں لفظ خاتم اور خاتم کا زبر اور زیر دونوں کے ساتھ اکثر اور زیادہ تر پانچ معنے میں استعمال ہے تین معنی مشترک ہیں۔
۱… آخر قوم یہ ہمیشہ جماعت کی طرف مضاف ہوگا۔
۲… انگشتری جیسے خاتم ذہب، خاتم ذھباً اس کا مضاف الیہ ہمیشہ ہمیشہ تمیز ہوگا۔ اگر اضافت نہ ہوتو من سے استعمال ہوگا۔ ولو خاتماً من حدید اور اضافت لامیہ میں مفرد مفرد کی طرف اور جمع جمع کی طرف مضاف ہوگا۔ کخاتم زید وخواتیم قوم ورنہ لام کا اظہار ضروری ہوگارفعاً للالتباس انہ کالخاتم للقوم لا خاتم قوم وخاتم الخلفائ!
۳… اسم آلہ ما یختم بہ وہ جس سے مہر لگائی جائے یعنی لوہے یا پیتل یا پتھر وغیرہ کی چیز جس پر نام وغیرہ کندہ کئے جاتے ہیں یعنی مہر ۔
(لسان العرب ج۴ ص۲۴، تاج العروس ج۱۶ ص۱۸۹، منتہیٰ الارب ج۱ ص۳۵۹)
۴… اور خاتم زیر کے ساتھ اسم فاعل کا صیغہ کسی چیز کو ختم کرنے والا۔
۵… خاتم زبر کے ساتھ مہر کا نقش جو کاغذ وغیرہ پر اتر آتا ہے۔ (لسان العرب ج۴ ص۲۴ وغیرہ) پس آیت خاتم النبیین میں دوسرے اور پانچویں معنی تو کسی طرح بھی درست نہیں